پاکستان میں ہونے والی حالیہ دہشتگردی میں ٹی ٹی پی اور افغانستان کا ہاتھ ہے، وزیرِ دفاع
WebDesk
14 نومبر, 2025 07:50
اسلام آباد: وفاقی وزیرِ دفاع خواجہ آصف نے کہا ہے کہ پاکستان میں ہونے والی حالیہ دہشتگردی کی کارروائیوں کے پیچھے تحریک طالبان پاکستان (ٹی ٹی پی) اور افغانستان کا واضح طور پر ہاتھ ہے۔
تفصیلات کے مطابق وفاقی وزیرِ دفاع خواجہ آصف نے اپنے جاری کردہ ایک بیان میں کہا کہ کابل کی آشیر باد کے بغیر ٹی ٹی پی پاکستان میں دہشتگردی نہیں کر سکتی۔
انہوں نے بتایا کہ پہلے ہونے والے حملوں میں بھی ملوث افراد افغان شہری نکلے جن کی شناخت ہو چکی ہے۔
ان کا کہنا تھا کہ اگر کابل ان حملوں کی ذمہ داری تسلیم نہیں کرتا تو بھی دنیا کے سامنے ٹھوس شواہد موجود ہیں۔
خواجہ آصف نے کہا کہ افغانستان دہشتگردی کی پشت پناہی کر رہا ہے جبکہ بھارت بھی اس سلسلے میں کردار ادا کر رہا ہے تاکہ پاکستان میں امن قائم نہ ہو سکے۔
وفاقی وزیرِ دفاع کا کہنا تھا کہ پاکستان کو گھیرے میں لے کر نقصان پہنچانے کی سازش کی گئی تھی۔
انہوں نے مزید کہا کہ حکومت اور ادارے دہشتگردی کے مکمل خاتمے کے لیے بھرپور اقدامات کر رہے ہیں اور ایسے عناصر کے خلاف کارروائی جاری رہے گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
