وفاقی آئینی عدالت کے چیف جسٹس امین الدین کا عہدہ سنبھالتے ہی بڑا فیصلہ
WebDesk
15 نومبر, 2025 15:31
A major decision by Chief Justice Ameenuddin after assuming office
وفاقی آئینی عدالت کے نئے چیف جسٹس امین الدین خان نے عہدہ سنبھالتے ہی اہم انتظامی تبدیلی کی ہے۔ انہوں نے عدالت کے لیے نیا رجسٹرار تعینات کرنے کا فیصلہ کیا، جس کا مقصد عدالتی نظام کو بہتر اور مؤثر بنانا ہے۔
تفصیلات کے مطابق سابق ڈسٹرکٹ اینڈ سیشن جج محمد حفیظ کو آئینی عدالت کا نیا رجسٹرار مقرر کیا گیا ہے۔ اسی طرح مظہر بھٹی کو چیف جسٹس کے سیکرٹری کے طور پر تعینات کیا گیا ہے، جو عدالت کے انتظامی معاملات، بینچز کی تشکیل اور آئینی نوعیت کے امور کی نگرانی کریں گے۔
عدالتی ذرائع کا کہنا ہے کہ دونوں افسران طویل تجربہ رکھتے ہیں اور ان کی تعیناتی سے عدالت کے اندرونی انتظام میں مزید بہتری آئے گی۔ نئی تقرریوں کو چیف جسٹس کی جانب سے ادارے کو مضبوط بنانے کی ابتدائی کوششوں میں اہم قدم قرار دیا جا رہا ہے۔
واضح رہے کہ گزشتہ روز قبل جسٹس امین الدین خان نے وفاقی آئینی عدالت کے پہلے چیف جسٹس کے طور پر حلف اٹھایا تھا۔ حلف برداری کی تقریب ایوانِ صدر میں منعقد ہوئی، جہاں صدر آصف علی زرداری نے ان سے حلف لیا۔
تقریب میں وزیراعظم شہباز شریف، چیف جسٹس پاکستان یحییٰ آفریدی اور تینوں مسلح افواج کے سربراہان سمیت اعلیٰ حکام نے شرکت کی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
