27 ویں آئینی ترمیم سے اختلاف؛ لاہور ہائیکورٹ کے جج مستعفی
WebDesk
15 نومبر, 2025 13:39
Another Major Resignation from the Judiciary Announced
27 ویں آئینی ترمیم سے اختلاف کے باعث سپریم کورٹ کے 2 ججز کے بعد لاہور ہائیکورٹ کے جج بھی مستعفی ہو گئے ہیں۔
سپریم کورٹ کے دو سینئر ججز جسٹس منصور علی شاہ اور جسٹس اطہر من اللہ کے استعفے کے دو روز بعد لاہور ہائی کورٹ کے ایک جج نے بھی عہدے سے استعفیٰ دے دیا ہے۔ لاہور ہائی کورٹ کے جسٹس شمس محمود مرزا نے بطور احتجاج اپنا استعفیٰ صدر پاکستان کو بھجوا دیا اور اپنا چیمبر خالی کر دیا۔
جسٹس شمس محمود مرزا ستائیویں آئینی ترمیم کے بعد ممکنہ تبادلے کے پیشِ نظر یہ قدم اٹھا رہے ہیں۔ وہ لاہور ہائی کورٹ کی انتظامی کمیٹی کے ممبر بھی رہے ہیں۔ انہوں نے 22 مارچ 2014 کو ایڈیشنل جج کے طور پر حلف اٹھایا تھا اور ان کی ریٹائرمنٹ 2028 میں متوقع تھی۔
جسٹس شمس محمود مرزا سپریم کورٹ کے سابق جج جسٹس ضیا محمود مرزا کے صاحبزادے ہیں۔ ان کے خلاف رواں سال جنوری میں سرکاری وکیل نے سپریم جوڈیشل کونسل میں ریفرنس بھی دائر کیا تھا۔
سپریم کورٹ کے جسٹس منصور علی شاہ نے اپنے 13 صفحات پر مشتمل استعفے میں کہا تھا کہ 27 ویں آئینی ترمیم آئین پاکستان پر سنگین حملہ ہے اور اس نے سپریم کورٹ کو ٹکڑے ٹکڑے کر دیا ہے۔ جسٹس منصور علی شاہ نے واضح کیا کہ انہوں نے ادارے کی عزت اور دیانتداری کے ساتھ خدمت کی ہے، ان کا ضمیر صاف ہے اور انہیں کسی بات کا پچھتاوا نہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
