نادرا نے شہریوں کی بڑی مشکل حل کردی
WebDesk
16 نومبر, 2025 11:15
نادرا نے شہریوں کی بڑی مشکل حل کردی
اسلام آباد: نیشنل ڈیٹا بیس اینڈ رجسٹریشن اتھارٹی (نادرا) نے شہریوں کے لیے گھر بیٹھے گاڑیوں کی بائیومیٹرک تصدیق کرنے کی سہولت متعارف کرادی ہے، جس سے اب گاڑی کی خرید و فروخت کے وقت لائنوں میں انتظار کرنے کی ضرورت نہیں رہی۔
نادرا کی جانب سے جاری بیان میں بتایا گیا کہ یہ سہولت پاک آئی ڈی موبائل ایپ کے ذریعے اسلام آباد میں رجسٹرڈ گاڑیوں کے مالکان کے لیے دستیاب ہوگی۔
اب خریدار اور فروخت کنندہ گھر بیٹھے ہی بائیومیٹرک تصدیق کروا سکتے ہیں، جبکہ متعلقہ ادارے میں ملکیت کی منتقلی کی کارروائی مکمل ہوگی۔
یہ قدم ملک میں گاڑیوں کی خرید و فروخت کے عمل کو مزید شفاف اور آسان بنانے کے لیے اٹھایا گیا ہے۔
یاد رہے کہ 31 اکتوبر سے گاڑی کی ملکیت کی تبدیلی صرف بائیومیٹرک تصدیق کے ذریعے ممکن ہے، اور یکم جنوری 2025 سے یہ عمل ہر گاڑی کی خرید و فروخت کے لیے لازمی ہوگا۔
سندھ کے سینئر وزیر ایکسائز اور ٹیکسیشن کی منظوری سے بھی یہ فیصلہ نافذ ہوچکا ہے کہ گاڑی کی ملکیت کی منتقلی کے وقت خریدار اور بیچنے والے دونوں کی بائیومیٹرک تصدیق لازمی ہوگی۔
نادرا کا کہنا ہے کہ یہ سہولت شہریوں کے وقت کی بچت کے ساتھ ساتھ فراڈ اور جعلی ٹرانزیکشنز کو روکنے میں بھی مددگار ثابت ہوگی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
