کراچی روشنیوں کا شہر ہے، وزیر اعظم
WebDesk
17 نومبر, 2025 16:49
Karachi is the city of lights, says the Prime Minister
وزیر اعظم شہباز شریف کا کہنا ہے کہ کراچی روشنیوں کا شہر ہے۔
تفصیلات کے مطابق وزیر اعظم شہباز شریف نے ایک روزہ دورہ کراچی کے دوران نئی شالمیار ایکسپریس اور کینٹ اسٹیشن اپ گریڈیشن کا افتتاح کیا، اور تقریب سے خطاب کرتے ہوئے کہا کہ کینٹ ریلوے اسٹیشن کراچی کی شاندار طریقے سے تزئین و آرائش کی گئی، مسافروں کی انتظار گاہ، ڈائننگ روم، خودکار ٹکٹ سسٹم بہت شاندار ہے۔
انہوں نے کہا کہ شالیمار ایکسپریس کو دوبارہ مکمل طور پر نئی ٹرین بنادیا گیا، آؤٹ سورس کے ذریعے ٹرین کا انتہائی بہترین کام کیا گیا، فرسٹ کلاس اور اکانومی کلاس قابل دید ہے، ریلوے اسٹیشن کی صفائی کراچی ویسٹ مینجمنٹ کے ذمہ ہے۔
شہباز شریف نے کہا کہ کراچی روشنیوں کا شہر ہے، حنیف عباسی کی قیادت میں پاکستان ریلوے جدید نظام کی جانب گامزن ہے، پاکستان ریلوے کی صوبوں کے ساتھ اشتراک کے مثبت نتائج سامنے آئیں گے، پارٹنر شپ کا دائرہ کار بلوچستان اور کے پی حکومتوں کے ساتھ بھی بڑھایا جائے۔
وزیر اعظم نے کہا کہ پاکستان ریلوے کا دائرہ کار مزید بڑھایا جائے، فریٹ سسٹم کو بھی پوری طرح منظم کیا جارہا ہے، میں نے ہر جگہ کراچی سرکلر ریلوے لائن کی بات کی، ہم کراچی سرکلر پر مل کر کام کریں گے، ریلوے کا یہ منصوبہ کراچی کے عوام کیلئے انتہائی ناگزیر ہے، مجھے یقین ہے یہ منصوبہ جلد حقیقت بنے گا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
