پاکستان نے افغان سرحد غیر معینہ مدت کے لیے بند کرنے کا اعلان کردیا
WebDesk
17 نومبر, 2025 10:20
پاکستان نے افغان سرحد غیر معینہ مدت کے لیے بند کرنے کا اعلان کر دیا
اسلام آباد: پاکستان نے افغان سرحدیں غیر معینہ مدت کے لیے بند رکھنے کا فیصلہ کیا ہے، جس کا مقصد ملک کی داخلی سیکیورٹی کو یقینی بنانا اور دہشتگرد تنظیموں کے خلاف اقدامات کو ترجیح دینا ہے۔
سرکاری ذرائع کے مطابق یہ فیصلہ افغان طالبان کی جانب سے تاجروں کو پاکستان پر انحصار کم کرنے اور دیگر ممالک کے ساتھ تجارت کرنے کی ہدایات کے بعد کیا گیا ہے۔
حکومت نے واضح کیا ہے کہ کالعدم ٹی ٹی پی اور دیگر دہشتگرد گروپوں کے خاتمے تک سرحدیں کھلنے کا امکان نہیں۔
حکام نے بتایا کہ یہ بندش معمولی انتظامی اقدام نہیں بلکہ اسٹریٹجک سطح پر پالیسی میں تبدیلی ہے، افغان طالبان قیادت کو پہلے ہی آگاہ کر دیا گیا ہے کہ دہشتگرد گروپوں کے خلاف ٹھوس کارروائی نہ ہونے کی صورت میں مزید مذاکرات نہیں ہوں گے۔
ایک سینئر سرکاری افسر نے کہا کہ ہماری ترجیح عوام کی حفاظت ہے، تجارت اور معیشت بعد میں آتی ہیں، سیکیورٹی پہلے، تجارت بعد میں، یہی اسلام آباد کا موقف ہے۔
رپورٹ کے مطابق پاک افغان سرحد پر موجود ٹرک اور کنٹینرز ایک ماہ سے زائد عرصے سے پھنسے ہوئے ہیں، اور سرحدیں اس وقت صرف انسانی بنیادوں پر کھلی ہیں، جیسے کہ افغان مہاجرین اور پھنسے ہوئے افراد کی واپسی کے لیے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
