ہفتہ، 29-نومبر،2025
ہفتہ 1447/06/08هـ (29-11-2025م)

خیبرپختونخوا میں سیکیورٹی فورسز کی دو کارروائیوں میں 15 خوارج ہلاک

18 نومبر, 2025 09:40

سیکیورٹی فورسز نے خیبرپختونخوا میں 2 کارروائیاں کیں جس میں بھارتی حمایت یافتہ 15 خوارج مارے گئے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق کولاچی میں خوارج کی موجودگی کی اطلاع پر آپریشن کیا گیا جس دوران 10 خوارج مارے گئے۔

آئی ایس پی آر نے بتایا کہ دوسرا آپریشن شمالی وزیرستان میں کیا گیا جس میں 5 خوارج ہلاک ہوئے، ہلاک دہشت گردوں میں گروہ کا مرکزی سرغنہ غلام محسود بھی شامل ہے۔

آئی ایس پی آر کا کہنا ہے کہ سیکیورٹی فورسز نے خوارج کے ٹھکانے کو مؤثر طریقے سے نشانہ بنایا، دونوں علاقوں میں کلیئرنس آپریشن جاری ہے۔

وزیراعظم کا دہشت گردی کے خلاف کامیاب کارروائیوں پر سیکیورٹی فورسز کو خراج تحسین

اسلام آباد: وزیراعظم شہباز شریف نے سیکیورٹی فورسز کی دہشت گردی کے خلاف کامیاب کارروائیوں کو سراہا اور کہا کہ سیکیورٹی ادارے ملک میں دہشت گردی کے خاتمے کے لیے اہم کامیابیاں حاصل کر رہے ہیں۔

انہوں نے کہا کہ قوم دہشت گردی کے خلاف جنگ میں پاک فوج اور سیکیورٹی فورسز کے ساتھ کھڑی ہے اور حکومت ملک سے دہشت گردی کے مکمل خاتمے کے لیے پُرعزم ہے۔

صدر آصف زرداری کی خیبرپختونخوا میں خوارج کے خلاف کارروائیوں پر سیکیورٹی فورسز کی تعریف

اسلام آباد: صدر مملکت آصف زرداری نے خیبرپختونخوا میں خوارج کے خلاف جاری کامیاب کارروائیوں پر سیکیورٹی فورسز کی تعریف کی ہے۔

انہوں نے کہا کہ فتنہ الخوارج کے 15 دہشت گردوں کے ہلاک ہونے پر سیکیورٹی فورسز کی کوششیں قابلِ ستائش ہیں۔

ان کا کہنا تھا کہ دہشت گردوں کے مکمل خاتمے تک کارروائیاں جاری رہیں گی اور یہ اقدامات ملک میں پائیدار امن قائم کرنے کی قومی کاوشوں کی عکاسی کرتے ہیں۔

آصف زرداری نے کہا کہ عزم استحکام کے تحت یہ کارروائیاں ملک میں قومی سطح پر امن و سلامتی کے قیام کی کوششوں کا مظہر ہیں۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔