ای ٹیکسی اسکیم میں درخواست دینے والوں کیلئے بڑی خوشخبری آگئی
WebDesk
18 نومبر, 2025 09:42
Big News for Applicants of Punjab E-Taxi Scheme
پنجاب حکومت نے ای ٹیکسی اسکیم کے امیدواروں کو بڑی خوشخبری سناتے ہوئے اعلان کیا ہے کہ ای ٹیکسی اسکیم کی قرعہ اندازی نومبر کے آخری ہفتے میں ہوگی۔
محکمہ ٹرانسپورٹ کے مطابق 28 ہزار سے زائد افراد اس اسکیم کے لیے درخواستیں جمع کرا چکے ہیں۔ تمام درخواست گزاروں کا ڈیٹا بینک آف پنجاب کو بھجوا دیا گیا ہے، جو شفاف طریقے سے قرعہ اندازی کا پورا عمل مکمل کرے گا۔
حکام کا کہنا ہے کہ قرعہ اندازی کے بعد منتخب امیدواروں کو ڈاؤن پیمنٹ جمع کرانے کیلئے رابطہ کیا جائے گا۔ جو درخواست گزار مقررہ رقم وقت پر جمع کرا دیں گے، انہیں تین سے چار ماہ کے اندر الیکٹرک ٹیکسیاں فراہم کر دی جائیں گی۔
واضح رہے کہ پنجاب حکومت نے 17 ستمبر کو ای ٹیکسی اسکیم 2025 کا آغاز کیا تھا۔ اسکیم میں پانچ سالہ بغیر سود فنانسنگ پلان شامل ہے، جس سے نوجوانوں اور خواتین کو روزگار کے مواقع ملیں گے۔ پہلے مرحلے میں چین سے درآمد کی گئی 1,100 الیکٹرک ٹیکسیاں دی جائیں گی، جن میں سے 30 ٹیکسیاں خواتین ڈرائیورز کے لیے مختص ہیں۔
حکومت پنجاب اس منصوبے کے تحت صوبے بھر میں چارجنگ نیٹ ورک بھی قائم کر رہی ہے، جبکہ درخواستوں اور دستاویزات کے عمل کو آسان بنانے کے لیے ایک آن لائن پورٹل بھی تیار کیا جا رہا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
