خیبر پختونخوا میں سکیورٹی فورسز کی بڑی کارروائیاں، بھارتی اسپانسرڈ 23 خوارج جہنم واصل
WebDesk
18 نومبر, 2025 21:04
وانا: کیڈٹ کالج میں افغان خوارج کے خلاف آپریشن جاری، سیکیورٹی ذرائع
خیبر پختونخوا میں سکیورٹی فورسز نے دو اہم کارروائیاں کیں۔ جس میں فتنہ الخوارج سے تعلق رکھنے والے 23 خوارج مارے گئے۔ یہ گروہ بھارت کے حمایت یافتہ نیٹ ورک کا حصہ تھا۔
آئی ایس پی آر کے مطابق پہلی کارروائی ضلع باجوڑ میں کی گئی۔ سکیورٹی فورسز کو خوارج کی موجودگی کی اطلاع ملی تھی۔ فورسز نے انٹیلی جنس کی بنیاد پر آپریشن شروع کیا۔ کارروائی کے دوران دہشت گردوں کے ٹھکانوں کو درست نشانہ بنایا گیا۔ اس آپریشن میں گروہ کے سرغنہ سجاد عرف ابوزر سمیت 11 دہشت گرد ہلاک ہوئے۔
دوسری کارروائی ضلع بنوں میں کی گئی۔ یہ بھی انٹیلی جنس اطلاع کی بنیاد پر شروع ہوئی۔ اس آپریشن میں مزید 12 خوارج کو مار دیا گیا۔ آئی ایس پی آر نے کہا کہ دہشت گرد مسلسل ناکامیوں کے بعد نرم اہداف کو نشانہ بنانے کی کوشش کر رہے ہیں۔ مگر سکیورٹی فورسز کی بروقت کارروائیوں سے ان کی کوششیں ناکام ہو رہی ہیں۔
پاک فوج ترجمان کے مطابق بھارت کے حمایت یافتہ ایک دہشت گرد کی بنوں میں بم نصب کرنے کی کوشش بھی ناکام بنا دی گئی۔ وہ دیسی ساختہ بم لگاتے وقت خود ہی ہلاک ہوگیا۔
آئی ایس پی آر نے کہا کہ “عزمِ استحکام” کے تحت ملک سے دہشت گردی کے مکمل خاتمے کا عزم برقرار ہے۔ کارروائیاں اسی مقصد کے لیے جاری رہیں گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
