ہفتہ، 29-نومبر،2025
ہفتہ 1447/06/08هـ (29-11-2025م)

پرائز بانڈز رکھنے والوں کیلئے بڑی خوشخبری آگئی

18 نومبر, 2025 09:47

1500 روپے کے پرائز بانڈ رکھنے والوں کا انتظار آخر کار ختم ہوگیا۔

ہر تین ماہ بعد ہونے والی اس قرعہ اندازی کا ملک بھر میں بے حد انتظار کیا جاتا ہے، کیونکہ یہ کم قیمت بانڈ بڑے انعامات کی وجہ سے سب سے زیادہ مقبول ہے۔

نیشنل سیونگز آرگنائزیشن نے 1500 روپے کے پرائز بانڈ کے 104ویں ڈرا کے نتائج جاری کر دیے ہیں۔
ہزاروں لوگوں کی نظریں اس قرعہ اندازی پر تھیں، جس میں ایک بڑا انعام اور کئی دوسرے انعام شامل تھے۔

اس ڈرا میں پہلا انعام 30 لاکھ روپے رکھا گیا تھا، جو خوش نصیب نمبر 091925 کے نام نکلا۔

اس کے علاوہ 10 لاکھ روپے کے دوسرے انعام کے لئے نمبر 106210، 502971 اور 916702 نکلے۔

جبکہ 18 ہزار 500 روپے کے تیسرے انعامات 1696 افراد کو ملیں گے۔

نیشنل سیونگز کے مطابق تیسرے انعام کی مکمل فہرست ان کی سرکاری ویب سائٹ اور متعلقہ دفاتر پر دستیاب ہے۔

انعام جیتنے والے افراد اپنے اصل بانڈ اور شناختی کارڈ کے ساتھ انعام کا دعویٰ اسٹیٹ بینک کے بی ایس سی دفاتر، نیشنل سیونگز سینٹرز یا نامزد کمرشل بینکوں میں جمع کرا سکتے ہیں۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔