ڈرائیونگ لائسنس بنوانے والوں کیلئے بڑی خوشخبری؛ اہم اعلان ہوگیا
WebDesk
18 نومبر, 2025 12:52
Big news for those applying for a driving license
لاہور: صوبے بھر میں ڈرائیونگ لائسنس کے اجراء اور تجدید کا عمل تیزی سے جاری ہے۔
ترجمان ٹریفک کے مطابق رواں ماہ 4 لاکھ 5 ہزار سے زائد شہری لائسنسنگ سہولیات سے فائدہ اٹھا چکے ہیں۔
اعداد و شمار کے مطابق 1 لاکھ 37 ہزار سے زائد شہریوں نے لرننگ ڈرائیونگ لائسنس حاصل کیے، 1 لاکھ 36 ہزار شہریوں نے ریگولر ڈرائیونگ لائسنس بنوائے، جبکہ 1 لاکھ 27 ہزار سے زائد شہریوں نے اپنے لائسنس کی تجدید کروائی۔
دو ہزار سے زائد شہریوں کو انٹرنیشنل ڈرائیونگ پرمٹ جاری کیے گئے، اور 66 ہزار سے زائد شہریوں نے آن لائن پورٹل کے ذریعے سہولت حاصل کی۔
ڈی آئی جی ٹریفک محمد وقاص نذیر نے کہا کہ لائسنس کے نظام میں شفافیت اور جدت لائی جا رہی ہے۔ انہوں نے شہریوں کو مشورہ دیا کہ وہ شہری خدمت مراکز، لائسنسنگ سینٹرز اور آن لائن پورٹل سے بھرپور فائدہ اٹھائیں۔
انہوں نے مزید کہا کہ بغیر لائسنس گاڑی چلانے والوں کے خلاف سخت کریک ڈاؤن جاری ہے اور قانون کی خلاف ورزی پر کسی قسم کی رعایت نہیں دی جائے گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
