آزاد کشمیر کے نومنتخب وزیراعظم فیصل راٹھور نے حلف اٹھا لیا
WebDesk
18 نومبر, 2025 15:36
Raja Faisal Rathore takes oath as AJK PM after Anwarul Haq ouster
آزاد کشمیر کے نومنتخب وزیراعظم راجہ فیصل ممتاز راٹھور نے عہدے کا حلف اٹھا لیا۔
مظفرآباد میں ایک تقریب میں آزاد کشمیر کے نومنتخب وزیراعظم راجہ فیصل ممتاز راٹھور نے اپنے عہدے کا حلف اٹھا لیا۔ حلف اسپیکر آزاد کشمیر اسمبلی چوہدری لطیف اکبر نے لیا۔
حلف برداری میں اہم شخصیات موجود تھیں، جن میں گورنر گلگت بلتستان مہدی شاہ، گورنر خیبرپختونخوا فیصل کریم کنڈی، چیئرمین پیپلزپارٹی بلاول بھٹو زرداری، فریال تالپور اور ارکان اسمبلی شامل تھے۔ اس موقع پر سول اور عسکری قیادت بھی تقریب میں شریک ہوئی۔
تقریب کے دوران فیصل راٹھور نے کہا کہ وہ آصف علی زرداری، فریال تالپور اور بلاول بھٹو زرداری کے شکر گزار ہیں کہ انہیں یہ بڑی ذمہ داری دی گئی۔ انہوں نے پاک فوج کو خراجِ تحسین پیش کرتے ہوئے کہا کہ فوج اپنی جانوں کی قربانی دے کر ملک اور عوام کا دفاع کر رہی ہے۔
فیصل راٹھور نے کہا کہ پیپلزپارٹی نے عوام کے ساتھ اپنا رشتہ دوبارہ مضبوط کرنے کا فیصلہ کیا ہے اور وہ اس مشن پر پوری توجہ دیں گے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
