رانا ثنا اللہ کا 28 ویں آئینی ترمیم کا اعلان
WebDesk
18 نومبر, 2025 09:55
عوام کو ریلیف دینا چاہتے ہیں لیکن آئی ایم ایف کی شرائط روک رہی ہیں، رانا ثنااللہ
اسلام آباد: وزیراعظم کے مشیر برائے سیاسی امور رانا ثنا اللہ نے 28 ویں آئینی ترمیم کا اعلان کردیا۔
تفصیلات کے مطابق چنیوٹ میں میڈیا سے گفتگو کرتے ہوئے وزیراعظم کے مشیر برائے سیاسی امور رانا ثنا اللہ نے کہا کہ 28 ویں آئینی ترمیم جلد پیش کی جائے گی۔
27 ویں ترمیم کے خلاف ججز کی رائے پر بات کرتے ہوئے انہوں نے کہا کہ اگر ججز اس کے مخالف تھے تو وہ اسی دن استعفیٰ دے سکتے تھے، لیکن ایسا نہیں کیا۔
ان کا کہنا تھا کہ ترمیم پاس کرنا پارلیمنٹ کا حق ہے اور ججز نے اپنے عہدے کی حفاظت کی قسم کھائی ہوئی ہے۔
رانا ثنا اللہ نے ان ججز کی بھی تنقید کی جنہوں نے استعفیٰ دیا، اور کہا کہ ان کے اقدامات ذاتی مقاصد کی بنیاد پر ہیں۔
انہوں نے کہا کہ ایک جج کے لیے یہ مناسب نہیں کہ وہ سیاسی احتجاج کے لیے اپنے منصب کا استعمال کرے۔
ان کا مزید کہنا تھا کہ 28 ویں ترمیم عوامی مسائل سے متعلق ہوگی اور پنجاب حکومت جلد صوبے میں بلدیاتی انتخابات کرانے کا فیصلہ کرچکی ہے، بلدیاتی ایکٹ اسمبلی سے پاس ہو چکا ہے اور حلقہ بندیوں پر کام جاری ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
