دوسرے صوبوں کی گاڑیوں کے بھاری ای چالان بھی کراچی والوں کو موصول ہونے لگے
WebDesk
19 نومبر, 2025 12:33
Important news for Karachi residents troubled by heavy e-challan fines
کراچی: شہر میں ای چالان کے نفاذ کے بعد شہری مختلف مشکلات کا سامنا کر رہے ہیں۔
حال ہی میں یہ بات سامنے آئی ہے کہ دوسرے صوبوں کی گاڑیاں بھی کراچی کے پتے پر بھاری جرمانے بھیج رہی ہیں، جس سے کراچی کے شہری پریشان ہیں۔
ذرائع کے مطابق ایک کار نمبر AAR 540 کے مالک کو 10 ہزار روپے کا ای چالان موصول ہوا۔ یہ گاڑی 22 مئی 1997 کو شاہراہ فیصل کے قریب کار پارکنگ سے چوری ہوئی تھی، اور اس کا مقدمہ صدر تھانے میں درج کیا گیا تھا۔
تحقیقات میں پتہ چلا کہ چوری ہونے والی گاڑی مہران کار تھی، لیکن جس گاڑی کا چالان آیا وہ سوزوکی آلٹو تھی۔ مزید جانچ کے بعد معلوم ہوا کہ یہ گاڑی بلوچستان کے دارالحکومت کوئٹہ میں رجسٹرڈ تھی۔
حکام کے مطابق گاڑی بلوچستان سے کراچی آئی تھی اور حب ریور روڈ کے قریب سیٹ بیلٹ نہ پہننے پر چالان ہوا۔ چونکہ گاڑی کی نمبر پلیٹ کراچی میں موجود ایک مسروقہ گاڑی سے بالکل ملتی تھی، اس لیے چالان کراچی کے مالک کے پتے پر پہنچ گیا۔
ذرائع کے مطابق بلوچستان میں گاڑیوں کی رجسٹریشن آن لائن نہ ہونے کی وجہ سے ایسے مسائل پیدا ہو رہے ہیں، اور کراچی پولیس کے لیے یہ چالان ایک نئے چیلنج کی صورت میں سامنے آئے ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
