حقوق نہ ملے تو صوبوں کے قانون میں آئینی ترمیم ہوسکتی ہے، مصطفیٰ کمال
WebDesk
19 نومبر, 2025 10:46
If rights are not granted, constitutional amendments can be made in the laws of the provinces, Mustafa Kamal
کراچی – ایم کیو ایم رہنما اور وفاقی وزیر صحت مصطفیٰ کمال نے کہا ہے کہ اگر شہری علاقوں کو حقوق نہ ملے تو صوبے بنانے کے قانون میں آئینی ترمیم بھی ممکن ہے۔
مصطفیٰ کمال نے بتایا کہ سندھ کو این ایف سی ایوارڈ سے اس سال 2400 ارب روپے ملے ہیں۔ ان کے مطابق کراچی کو اس میں سے کم از کم 800 ارب روپے ملنے چاہیے تھے، لیکن شہر کو 100 ارب روپے بھی نہیں ملے۔ انہوں نے کہا کہ وفاق یہ کہہ کر بری الذمہ ہو جاتا ہے کہ سارا پیسہ وزیراعلیٰ کو دے دیا گیا ہے، اس لیے کراچی والوں کو اپنا حصہ لینے کے لیے وزیراعلیٰ ہاؤس جانا پڑے گا۔
انہوں نے مزید کہا کہ پیپلز پارٹی پہلے زرعی ٹیکس کے خلاف بات کرتی تھی، مگر آئی ایم ایف کے دباؤ کے بعد زرداری صاحب نے خود یہ ٹیکس لگانے کا اعلان کر دیا۔ ان کے مطابق یہ دوہرے معیار کی سیاست ہے جس کا نقصان شہری علاقوں کو ہو رہا ہے۔
وزیر صحت نے زور دیا کہ جب کراچی اور شہری علاقوں کو جائز حق نہیں ملتا تو پھر نئے صوبے کی بات سامنے آتی ہے۔ انہوں نے کہا کہ آئین میں ترمیم ہو سکتی ہے اور نئے صوبے کا راستہ بھی نکل سکتا ہے اگر موجودہ نظام شہری عوام کے ساتھ انصاف نہیں کرتا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
