عظمیٰ بخاری کا غیرقانونی مقیم افغانیوں کی اطلاع دینے والوں کو نقد انعام دینے کا اعلان
WebDesk
19 نومبر, 2025 15:50
پنجاب نے آٹے کی فراہمی پر کوئی پابندی نہیں لگائی، الزامات بے بنیاد ہیں: عظمیٰ بخاری
لاہور: پنجاب کی وزیر اطلاعات عظمیٰ بخاری نے اعلان کیا ہے کہ جو بھی شخص غیرقانونی طور پر مقیم افغان یا دوسرے غیر ملکی شہریوں کی اطلاع دے گا، اسے نقد انعام دیا جائے گا۔
اپنے بیان میں انہوں نے کہا کہ پنجاب میں غیرقانونی افغانیوں کے خلاف کارروائی جاری ہے۔ ان کا کہنا تھا کہ گزشتہ تین ہفتوں میں 6 ہزار 220 افغان شہریوں کو واپس بھجوایا جا چکا ہے۔
وزیر اطلاعات نے مزید بتایا کہ حکومت کے پاس ایسے افراد کی معلومات جمع کی جا رہی ہیں جو بغیر قانونی دستاویزات کے پنجاب میں رہ رہے ہیں، تاکہ صوبے میں سیکیورٹی اور نظم و نسق بہتر بنایا جاسکے۔
پاکستان میں افغان مہاجرین کی واپسی کا سلسلہ کئی برسوں سے جاری ہے۔
2001 میں طالبان حکومت کے خاتمے کے بعد اقوام متحدہ کے ادارہ برائے مہاجرین (UNHCR) نے رضا کارانہ واپسی کا پروگرام شروع کیا۔
2002 سے 2005 تک تقریباً 30 لاکھ افغان مہاجرین پاکستان سے واپس افغانستان لوٹے۔
بعد ازاں، 2016 میں نیشنل ایکشن پلان کے تحت بڑی سطح پر واپسی کا عمل دوبارہ شروع ہوا۔ اس دوران 3 لاکھ 70 ہزار افغانی واپس گئے، جبکہ 8 لاکھ افراد کو افغان سٹیزن کارڈ جاری کیے گئے۔
پنجاب حکومت کا کہنا ہے کہ غیرقانونی مقیم افراد کی نشاندہی سیکیورٹی کے لیے ضروری ہے اور عوام کے تعاون سے کارروائی مزید تیز ہوگی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
