موٹروے پر سفر کرنے والوں کیلئے انتہائی بُری خبر سامنے آگئی
WebDesk
19 نومبر, 2025 12:18
Terrible news for commuters on the motorway emerges
موٹروے پولیس کا کہنا ہے کہ دھند اور انتہائی کم دیکھائی دینے کی وجہ سے ایم-1 موٹروے کو پشاور سے صوابی انٹرچینج تک عارضی طور پر بند کر دیا گیا ہے۔
پولیس حکام نے واضح کیا کہ یہ اقدام حادثات کی روک تھام اور شہریوں کی جان و مال کے تحفظ کے لیے کیا گیا ہے۔ موٹروے سے سفر کرنے والے مسافروں سے درخواست کی گئی ہے کہ دھند کے دوران غیر ضروری سفر سے گریز کریں۔
مسافروں کو مشورہ دیا گیا ہے کہ اپنا سفر دن کے وقت مکمل کریں اور دھند آنے سے قبل اپنے مقامات پر پہنچ جائیں۔ موٹروے پولیس نے اس دوران فوگ لائٹس استعمال کرنے، اگلی گاڑی سے فاصلہ رکھنے اور محفوظ رفتار سے گاڑی چلانے کی ہدایات بھی جاری کی ہیں۔
مزید براں، کسی بھی سفر پر روانہ ہونے سے قبل شہری موٹروے پولیس ہیلپ لائن 130 پر کال کر کے تازہ ترین صورتحال جان سکتے ہیں۔ یہ فیصلہ محکمہ موسمیات کی وارننگ کے بعد سامنے آیا ہے جس میں کہا گیا ہے کہ دھند کے اثرات جاری رہنے سے موٹروے پر حادثات اور ٹریفک جام کے امکانات بڑھ سکتے ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
