سعودی ولی عہد سے جمال خاشقجی کے قتل سے متعلق سوال کیوں کیا؟ ٹرمپ خاتون صحافی پر برس پڑے
WebDesk
19 نومبر, 2025 11:59
Saudi Crown Prince Hints At Joining Abraham Accords
واشنگٹن: امریکی صدر ڈونلڈ ٹرمپ نے سعودی ولی عہد محمد بن سلمان سے وائٹ ہاؤس میں ملاقات کے دوران صحافیوں سے سخت لہجے میں بات کی۔
ایک صحافی نے جمال خاشقجی کے قتل کے بارے میں سوال کیا تو صدر نے فوری طور پر مداخلت کی اور کہا کہ مہمان کو شرمندہ کرنے کی ضرورت نہیں۔
صدر ٹرمپ نے دعویٰ کیا کہ 2018 میں ہونے والے جمال خاشقجی قتل کے واقعے سے ولی عہد کو کوئی علم نہیں تھا۔ یہ بات امریکی انٹیلی جنس کی 2021 کی رپورٹ سے مختلف ہے، جس میں کہا گیا تھا کہ قتل میں ولی عہد کی منظوری شامل تھی۔
محمد بن سلمان نے اس واقعے کو ایک تکلیف دہ واقعہ اور سنگین غلطی قرار دیا اور کہا کہ سعودی حکومت نے تحقیقات کے لیے تمام ضروری اقدامات کیے۔
صحافی کے سوال پر ٹرمپ نے سخت لہجے میں کہا کہ تم ایک انتہائی متنازع شخص کی بات کر رہی ہو، بہت سے لوگ اس شخص کو پسند نہیں کرتے۔
صدر نے مزید کہا کہ ایسے واقعات ہو جاتے ہیں، لیکن ولی عہد کو اس بارے میں کوئی علم نہیں، لہٰذا انہیں شرمندہ کرنے کی ضرورت نہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
