کراچی میں ڈبل ڈیکر اور نئی الیکٹرک بسیں کب آ رہی ہیں؟ مکمل تفصیلات سامنے آگئیں
WebDesk
19 نومبر, 2025 10:19
When are double-decker and new electric buses coming to Karachi?
سندھ حکومت نے اگلے ہفتے سے کراچی میں ڈبل ڈیکر بسیں اور نئی الیکٹرک بسیں (EV) چلانے کا فیصلہ کر لیا ہے۔ اور صوبے کے دیگر اضلاع میں پیپلز بس سروس کے نئے روٹس بھی جلد متعارف کروائے جائیں گے۔
سندھ کے سینئر وزیر شرجیل انعام میمن کی صدارت میں ٹرانسپورٹ ڈیپارٹمنٹ کا اجلاس ہوا۔ جس میں کراچی میں یلو لائن اور ریڈ لائن بی آر ٹی کے ترقیاتی کاموں کی پیش رفت سے شرجیل میمن کو آگاہ کیا گیا۔ علاوہ ازیں، EV ٹیکسی سروس شروع کرنے اور پنک اسکوٹیز اسکیم کے دوسرے مرحلے پر بھی بریفنگ دی گئی۔
شرجیل میمن نے کہا کہ ڈبل ڈیکر اور نئی الیکٹرک بسیں اگلے ہفتے کراچی پہنچ جائیں گی۔ دسمبر تک EV ٹیکسی سروس بھی شروع کرنے کا ارادہ ہے۔ موجودہ مالی سال میں مزید 500 بسیں شامل کی جائیں گی۔ یہ بسیں روزانہ تقریباً دو لاکھ مسافروں کو سہولت فراہم کریں گی۔ ان کے لیے ڈپو، چارجنگ اسٹیشنز اور جدید کرایہ نظام بھی مہیا کیا جائے گا۔
انہوں نے کہا کہ سندھ کے دیگر اضلاع میں پیپلز بس سروس کے نئے روٹس بھی بہت جلد شروع کیے جائیں گے۔ ٹرانسپورٹ حکام کو ہدایت دی گئی ہے کہ نئے روٹس کے عملی انتظامات مکمل کریں۔
مزید برآں، کراچی پورٹ سے قیوم آباد تک 16.5 کلومیٹر طویل ایلیویٹڈ ایکسپریس وے کی منظوری دی گئی ہے۔ اس سے ٹریفک کا دباؤ کم ہوگا اور M-9 موٹروے تک سفر کی مسافت 26 کلومیٹر کم ہو جائے گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
