22 سے 24 نومبر تک عام تعطیل کا اعلان؛ تعلیمی ادارے بھی بند رہیں گے
WebDesk
20 نومبر, 2025 10:41
General holidays announced from November 22 to 24
مانسہرہ کے حلقہ NA-18 میں ضمنی انتخاب کے پیش نظر ضلعی انتظامیہ نے تین روز کے لیے مقامی تعطیلات کا اعلان کر دیا ہے۔
انتظامیہ کے مطابق 22، 23 اور 24 نومبر کو تمام سرکاری اور نجی اسکول بند رہیں گے۔ فیصلہ اس لیے کیا گیا ہے کہ انتخابی سرگرمیوں کے دوران کسی بھی ناخوشگوار واقعے سے بچا جا سکے۔ حلقے میں ضمنی الیکشن 23 نومبر کو ہوگا، جس کے لیے انتظامات مکمل کیے جا رہے ہیں۔
دوسری جانب پنجاب حکومت نے صوبے بھر کے تمام تعلیمی اداروں میں موسمِ سرما کی تعطیلات کا باضابطہ اعلان کر دیا ہے۔ جاری نوٹیفکیشن کے مطابق سردیوں کی چھٹیاں 23 دسمبر 2025 سے شروع ہوں گی اور 11 جنوری 2026 تک جاری رہیں گی۔ اسکول 13 جنوری کو دوبارہ کھلیں گے اور اسی روز نئے تعلیمی سیشن کا آغاز ہوگا۔
محکمہ تعلیم نے واضح کیا ہے کہ یہ شیڈول تمام سرکاری اور نجی اداروں پر یکساں لاگو ہوگا۔ کسی بھی اسکول کو اجازت نہیں ہوگی کہ وہ اپنی سہولت کے مطابق تاریخوں میں تبدیلی کرے۔ حکام کے مطابق چھٹیوں کا فیصلہ سردی کی شدت اور بچوں کی صحت کو مدنظر رکھتے ہوئے کیا گیا ہے، تاکہ طلبہ موسم کے اثرات سے محفوظ رہ سکیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
