پاکستان دنیا کے ساتھ مل کر بچوں کی فلاح وبہبود، حقوق اور تعلیم و تربیت کی اہمیت اجاگر کررہا ہے، وزیراعظم
WebDesk
20 نومبر, 2025 08:40
وزیراعظم کی ہدایت پر تنخواہ دار طبقے کے لیے ٹیکس میں کمی کی تیاری
اسلام آباد: وزیراعظم شہباز شریف نے کہا ہے کہ پاکستان دنیا کے ساتھ مل کر بچوں کی فلاح وبہبود، حقوق اور تعلیم و تربیت کی اہمیت اجاگر کررہا ہے۔
تفصیلات کے مطابق وزیراعظم شہباز شریف نے عالمی یومِ اطفال کے موقع پر اپنے پیغام میں کہا ہے کہ 2025 میں یہ دن "میرا دن، میرے حقوق” کے عنوان کے تحت منایا جا رہا ہے، جو بچوں کے بنیادی حقوق، ان کی نشوونما اور زندگی کے مسائل کی اہمیت کو اجاگر کرتا ہے۔
انہوں نے کہا کہ کہ کسی بھی ملک کا مستقبل اس کے بچوں سے وابستہ ہوتا ہے، اسی لیے عالمی سطح پر بچوں کی خوشحالی کے لیے مشترکہ تعاون ناگزیر ہے۔
ان کا کہنا تھا بچوں کے حقوق میں ذہنی و جسمانی نشوونما، تحفظ اور معیاری تعلیم بنیادی ستون کی حیثیت رکھتے ہیں۔
شہباز شریف نے کہا کہ حقوق کی ادائیگی کے لیے انفرادی اور اجتماعی سطح پر مؤثر اقدامات وقت کی اہم ضرورت ہیں اور حکومتِ پاکستان عالمی سطح پر بھی ایسے تعاون کے لیے کوشاں ہے۔
وزیراعظم نے بتایا کہ حکومت بچوں کے خلاف تشدد کے واقعات کی روک تھام کے لیے عملی اقدامات کر رہی ہے جبکہ ملک بھر میں ہونہار بچوں کے لیے تعلیمی سہولیات بہتر بنانے پر خصوصی توجہ دی جارہی ہے۔
انہوں نے دانش اسکول پروجیکٹ پر تیز رفتاری سے جاری پیش رفت کو بھی قابلِ تحسین قرار دیا اور کہا کہ یہ منصوبہ ملک میں معیاری تعلیم کے فروغ میں اہم کردار ادا کرے گا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
