انجینئر محمد علی مرزا سے متعلق تشویشناک خبر سامنے آگئی

WebDesk

21 نومبر, 2025 09:42

کراچی: تھانہ سٹی میں یوٹیوبر اور مذہبی اسکالر انجینئر محمد علی مرزا کے خلاف مقدمہ درج کر لیا گیا ہے، مقدمے کا اندراج پیکا ایکٹ اور دفعہ 295 سی کے تحت کیا گیا۔

پولیس کے مطابق یہ مقدمہ ایک شہری کی درخواست پر درج کیا گیا، محمد علی مرزا کو حراست میں لے کر نظربند کیا گیا تھا اور ڈی سی کے آرڈر کے تحت تھری ایم پی او کے تحت انہیں جیل میں رکھا گیا ہے۔

مزید برآں محمد علی مرزا کی اکیڈمی کو ناخوشگوار واقعے سے بچانے کے لیے عارضی طور پر بند کر دیا گیا ہے، جبکہ ان کی اکیڈمی اور گھر کے باہر پولیس کی نفری تعینات کی گئی ہے۔

پولیس حکام کا کہنا ہے کہ مقدمے کی تحقیقات جاری ہیں اور آئندہ قانونی کارروائی متاثرہ شہری کے بیان اور شواہد کی بنیاد پر کی جائے گی۔