کراچی والے ای چالان سے کس طرح بچ سکتے ہیں؟ اہم خبر آگئی
WebDesk
21 نومبر, 2025 10:43
Important news for Karachi residents troubled by heavy e-challan fines
کراچی میں گاڑی مالکان اس وقت شدید پریشانی کا شکار ہیں کیونکہ سیٹ بیلٹ اور ہیلمٹ استعمال کرنے کے باوجود بھی انہیں بار بار ای چالان موصول ہو رہے ہیں۔
27 اکتوبر سے ای چالان سسٹم شروع ہونے کے بعد ابتداء میں شہریوں کو زیادہ معلومات نہیں تھیں، اس وجہ سے کئی لوگوں کو جرمانے کیے گئے۔ بعد ازاں آگاہی مہم کے بعد موٹر سائیکل سواروں نے ہیلمٹ پہننا اور کار ڈرائیورز نے سیٹ بیلٹ لگانا باقاعدگی سے شروع کر دیا۔
اس کے باوجود بھی لوگوں کے گھروں پر جرمانے کے نوٹس پہنچ رہے ہیں۔ شہریوں کا کہنا ہے کہ وہ سمجھ نہیں پا رہے کہ آخر کون سی خلاف ورزی پر ان کا چالان ہو رہا ہے۔
اس حوالے سے ڈی آئی جی ٹریفک کا کہنا ہے کہ موٹر سائیکل پر دو افراد سوار ہوں تو دونوں کے لیے ہیلمٹ پہننا لازم ہے۔ صرف ڈرائیور کا ہیلمٹ پہننا کافی نہیں۔ اگر پیچھے بیٹھے شخص نے ہیلمٹ نہیں پہنا تو ای چالان ہوگا۔
انہوں نے کہا کہ کار میں بھی یہی اصول ہے۔ اگر فرنٹ سیٹ پر دو لوگ بیٹھے ہوں تو دونوں کو سیٹ بیلٹ لازمی لگانا ہوگی۔ صرف ڈرائیور کی سیٹ بیلٹ کافی نہیں۔ ان کے مطابق زیادہ تر چالان اسی وجہ سے ہو رہے ہیں کیونکہ شہری سمجھتے ہیں کہ صرف ڈرائیور کی ذمہ داری ہے، جبکہ قانون دونوں پر لاگو ہوتا ہے۔
ٹریفک پولیس کا کہنا ہے کہ قوانین کی پابندی نہ صرف چالان سے بچاتی ہے بلکہ شہریوں کی جان بھی محفوظ بناتی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
