کراچی: تاجروں کو دھمکی آمیز کالیں کرنے والے 4 بھتہ خور گرفتار
WebDesk
21 نومبر, 2025 08:57
کراچی: تاجروں کو دھمکی آمیز کالیں کرنے والے 4 بھتہ خور گرفتار
سی آئی یو اور دیگر قانون نافذ کرنے والے اداروں نے مشترکہ آپریشن کے دوران بھتے کی کالیں کرنے والے مرکزی کردار سمیت 4 بھتہ خوروں کو گرفتار کرلیا۔
ذرائع کا کہنا ہے کہ ملزمان کے موبائل فونز سے اہم شواہد بھی برآمد کر لیے گئے ہیں، جن میں بھتے کی کالز اور دھمکی آمیز پیغامات شامل ہیں۔
تحقیقات کے مطابق گروہ نے کار شوروم کے مالک اور منگھوپیر کی ماربل فیکٹری کے مالک سے بھتا طلب کیا تھا، جبکہ فون کالز بین الاقوامی نمبر سے کی جاتی تھیں تاکہ شناخت چھپائی جاسکے۔
ماربل فیکٹری مالک کو 10 کروڑ روپے بھتے کی پرچی کے ساتھ دو گولیاں بھیجی گئیں، جبکہ شوروم مالک کو 50 لاکھ روپے کی بھتے کی پرچی موصول ہوئی تھی۔
بھتا نہ دینے پر شوروم مالک کی گاڑی پر فائرنگ بھی کی گئی، جس کے بعد متاثرہ شخص کی مدعیت میں مقدمہ درج ہوا۔
پولیس کے مطابق گرفتار گروہ دیگر وارداتوں میں بھی ملوث ہوسکتا ہے اور اس حوالے سے مزید تفتیش جاری ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
گیس کھینچنے کیلئے استعمال کیے جانے والے کمپریسر کیوں خطرناک ہیں؟ وجہ سامنے آگئی
29-نومبر،2025
