موٹرسائیکل سوار اور گاڑی چلانے والے ہوجائیں ہوشیار
WebDesk
21 نومبر, 2025 11:18
Important news for car and motorcycle owners
صوبے بھر میں ٹریفک قوانین کی خلاف ورزی پر کارروائیاں تیز کر دی گئی ہیں۔
ڈی آئی جی ٹریفک کی خصوصی ہدایات پر ہیلمٹ نہ پہننے اور سیٹ بیلٹ نہ لگانے والے شہریوں کے خلاف سخت اقدامات کیے جا رہے ہیں۔ ترجمان ٹریفک پولیس کے مطابق اس ماہ ہیلمٹ نہ پہننے پر 44 ہزار سے زائد شہریوں کو جرمانہ کیا گیا ہے۔ اسی طرح بغیر سیٹ بیلٹ گاڑی چلانے پر 4 ہزار سے زائد چالان جاری کیے گئے۔ دیگر مختلف ٹریفک خلاف ورزیوں پر مجموعی طور پر 13 ہزار سے زائد شہریوں کے خلاف کارروائی ہوئی۔
ترجمان ٹریفک پولیس کے مطابق صرف فیصل آباد میں ہی رواں ماہ 10 ہزار سے زائد شہریوں کو ٹریفک قوانین کی خلاف ورزی پر جرمانہ کیا گیا ہے۔
چیف ٹریفک آفیسر محمد وقاص نذیر نے کہا کہ ہیلمٹ حادثے کی صورت میں سر کی چوٹ سے بچاؤ کا بہترین ذریعہ ہے۔ انہوں نے شہریوں سے اپیل کی کہ اپنی اور دوسروں کی حفاظت کے لیے ٹریفک قوانین کی پابندی لازمی کریں۔
ٹریفک حکام نے واضح کیا کہ قوانین کی خلاف ورزی پر صرف جرمانے نہیں بلکہ خطرناک حادثات کا امکان بھی بڑھ جاتا ہے۔ شہریوں کو چاہیے کہ وہ ہیلمٹ پہنیں اور سیٹ بیلٹ لازمی استعمال کریں تاکہ سڑکیں محفوظ بن سکیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
