اپوزیشن اتحاد کی قیادت میں تبدیلی؛ محمود اچکزئی کو ہٹا کر فضل الرحمان کو اپوزیشن سربراہ بنائے جانے کا امکان
WebDesk
21 نومبر, 2025 10:15
اپوزیشن اتحاد کی قیادت میں تبدیلی؛ محمود اچکزئی کو ہٹا کر فضل الرحمان کو اپوزیشن سربراہ بنائے جانے کا امکان
اسلام آباد: اپوزیشن اتحاد تحریک تحفظ آئین کی سربراہی کے حوالے سے بڑی تبدیلی کے امکانات ہیں، جس کے تحت موجودہ سربراہ محمود خان اچکزئی کی جگہ فضل الرحمن کو اپوزیشن اتحاد کا سربراہ بنایا جا سکتا ہے۔
اطلاعات کے مطابق محمود خان اچکزئی کو قومی اسمبلی میں اپوزیشن لیڈر کے طور پر نامزدگی کے بعد تحریک تحفظ آئین کی سربراہی سے ہٹانے پر غور کیا جا رہا ہے۔
دوسری جانب حکومت نے اپوزیشن لیڈر کے لیے محمود خان اچکزئی کے نام پر اعتراض کیا اور چیف وہپ عامر ڈوگر کو خط لکھا۔
عامر ڈوگر نے کہا کہ پی ٹی آئی چیئرمین بیرسٹر گوہر سے مشاورت کے بعد جواب دیا جائے گا۔
ذرائع کا کہنا ہے کہ پاکستان تحریک انصاف نے حکومتی اعتراض کو مسترد کرتے ہوئے اپوزیشن لیڈر کے لیے محمود خان اچکزئی کے نام کو برقرار رکھنے کا فیصلہ کیا ہے۔
پی ٹی آئی کے جاری بیان میں کہا گیا کہ قومی اسمبلی میں اپوزیشن لیڈر کے لیے محمود خان اچکزئی کا نام فائنل ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
