بنوں میں فورسز اور قانون نافذ کرنیوالے اداروں کا مشترکہ آپریشن؛ بھارتی حمایت یافتہ 8 دہشتگرد ہلاک
WebDesk
22 نومبر, 2025 16:52
Eight India-sponsored terrorists killed in Bannu IBO: ISPR
خیبر پختونخوا کے ضلع بنوں میں سیکیورٹی فورسز اور قانون نافذ کرنے والے اداروں نے مشترکہ کارروائی کی۔
آئی ایس پی آر کے مطابق آپریشن کے دوران بھارتی حمایت یافتہ فتنہ الخوارج کے 8 دہشتگرد مارے گئے۔
جاری کردہ بیان میں کہا گیا ہے کہ فورسز نے دہشتگردوں کے ٹھکانے کو درست نشانہ بنایا۔ آپریشن کے بعد جائے وقوعہ سے اسلحہ اور گولہ بارود بھی برآمد کیا گیا جبکہ ہلاک دہشتگرد سیکیورٹی فورسز کے خلاف کئی حملوں میں شامل تھے۔
آئی ایس پی آر کے مطابق یہی گروہ قانون نافذ کرنے والے اداروں اور بے گناہ شہریوں کی ٹارگٹ کلنگ میں بھی ملوث تھا۔
ترجمان پاک فوج نے کہا کہ یہ کامیابی سیکیورٹی فورسز اور قانون نافذ کرنے والے اداروں کے مضبوط تعاون کا نتیجہ ہے۔ مشترکہ حکمت عملی سے علاقے میں انٹیلی جنس بیسڈ آپریشنز میں اضافہ ہوا ہے۔
آئی ایس پی آر کے مطابق خوارج کی نقل و حرکت کو روکنے کے لیے منظم اور مربوط حفاظتی اقدامات کیے گئے ہیں جبکہ مزید کارروائی جاری ہے تاکہ علاقے میں موجود کسی بھی دوسرے دہشتگرد کو بھی ختم کیا جا سکے۔
ملک سے دہشتگردی کے مکمل خاتمے کے لیے "عزمِ استحکام” وژن کے تحت آپریشنز جاری رہیں گے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
