بھارت کے ساتھ کشیدگی برقرار ہے جبکہ جنگ کا خطرہ ابھی ٹلا نہیں، وزیر دفاع
WebDesk
22 نومبر, 2025 09:57
بھارت کے ساتھ کشیدگی برقرار ہے جبکہ جنگ کا خطرہ ابھی ٹلا نہیں، وزیر دفاع
اسلام آباد: وفاقی وزیر دفاع خواجہ آصف نے خبردار کیا ہے کہ بھارت کے ساتھ ممکنہ جنگ کا خطرہ اب بھی موجود ہے اور حالات مکمل طور پر پرسکون نہیں ہوئے۔
تفصیلات کے مطابق نجی ٹی وی سے بات کرتے ہوئے وفاقی وزیر دفاع خواجہ آصف نے کہا کہ پراکسی وار کا سلسلہ دہائیوں سے جاری ہے اور یہ جدید جنگی حکمت عملی کا اہم جزو بن چکا ہے۔
انہوں نے کہا کہ حالیہ برسوں میں یہ تناؤ اور بھی بڑھ گیا ہے، اور 1980 کی دہائی سے یہ سلسلہ مختلف شہروں میں تشدد کے واقعات کی شکل میں نظر آ رہا ہے۔
وزیر دفاع نے واضح کیا کہ مئی میں ہونے والے تصادم کے فوری بعد بھارت کے ساتھ ایک نئی جنگ کا خطرہ نمایاں تھا، اور آج بھی یہ خطرہ برقرار ہے۔
ان کا کہنا تھا کہ عالمی سطح پر ہماری جیت کو تسلیم کیا گیا ہے اور امریکی صدر کی مداخلت نے کئی جنگی صورتحال کو ختم کرنے میں اہم کردار ادا کیا۔
خیال رہے کہ مئی کے معرکے میں پاکستان نے بھارت کو فضائی مقابلے میں شکست دی تھی، جس میں پاک فضائیہ نے متعدد بھارتی طیارے اور دفاعی نظام تباہ کیے تھے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
