موجودہ نظام انصاف پر مبنی نہیں، امیر جماعت اسلامی
WebDesk
22 نومبر, 2025 17:05
The current system is not based on justice, Hafiz Naeem ur Rehman
امیر جماعت اسلامی حافظ نعیم الرحمان نے کہا ہے کہ موجودہ نظام انصاف پر مبنی نہیں۔
لاہور میں جلسے سے خطاب کرتے ہوئے حافظ نعیم الرحمان نے 27ویں آئینی ترمیم کو مکمل طور پر مسترد کر دیااور کہا کہ موجودہ نظام انصاف پر مبنی نہیں ہے۔
حافظ نعیم نے کہا کہ عوام کو دہائیوں تک انصاف نہیں ملتا جبکہ ملک کی عدالتوں میں کیسز کی تعداد بہت زیادہ ہے۔
سپریم کورٹ میں 50 ہزار سے زائد کیسز زیر التوا ہیں اور ہائیکورٹ میں 4 سے 5 لاکھ مقدمات فیصلہ کے انتظار میں ہیں۔
انہوں نے کہا کہ ملک میں تقریباً پونے تین کروڑ بچے اسکولوں سے باہر ہیں۔ صرف 12 فیصد بچے یونیورسٹی تک پہنچ پاتے ہیں۔
امیر جماعت اسلامی نے زور دیا کہ ملک میں یکساں نظامِ تعلیم ہونا چاہیے۔ ہر بچے کو پڑھانا ہوگا اور سب کو برابری کے حقوق دینا ہوں گے۔
اپنے خطاب میں حافظ نعیم نے سرمایہ دارانہ سوچ کو تنقید کا نشانہ بناتے ہوئے کہا کہ سسٹم کو بدلے بغیر نظام نہیں بدل سکتا۔
انہوں نے مزید کہا کہ ملک میں پولیس ایکٹ میں تبدیلی کی بھی ضرورت ہے۔
خطاب کے آخر میں انہوں نے کہا کہ خواتین اس وقت کئی چیلنجز کا سامنا کر رہی ہیں۔ ریاست کی ذمہ داری ہے کہ سب شہریوں کے لیے انصاف اور برابری کو یقینی بنایا جائے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
