13 حلقوں کے ضمنی انتخابات: مسلم لیگ ن نے شاندار کامیابی حاصل کر لی

اسلام آباد: 13 حلقوں کے ضمنی انتخابات میں مسلم لیگ ن نے غیر سرکاری اور غیر حتمی نتائج کے مطابق زبردست برتری حاصل کی ہے، پارٹی نے قومی اسمبلی کی 6 میں سے تمام اور صوبائی اسمبلی کی 7 میں سے 6 نشستیں جیت لی۔

پیپلز پارٹی کو صرف مظفر گڑھ کے حلقہ پی پی 269 سے کامیابی ملی، جبکہ تحریک انصاف کے امیدوار اور ان کے حامی آزاد امیدواروں کو کم ووٹ ملے۔

قومی اسمبلی میں نمایاں کامیابیاں:

این اے 18 ہری پور: بابر نواز خان نے آزاد امیدوار شہرناز عمر ایوب کو 1,63,996 ووٹ سے شکست دی۔

این اے 129 لاہور: حافظ میاں محمد نعمان نے 63,441 ووٹ لے کر جیت حاصل کی۔

این اے 185 ڈیرہ غازی خان 2: محمود قادر خان 82,416 ووٹ لے کر فاتح قرار پائے۔

این اے 143 ساہیوال 3: محمد طفیل جٹ نے 1,36,223 ووٹ حاصل کیے۔

این اے 104 فیصل آباد 10: دانیال احمد 52,791 ووٹ لے کر کامیاب ہوئے۔

این اے 96 فیصل آباد: بلال بدر چوہدری 93,909 ووٹ کے ساتھ جیتے۔

صوبائی اسمبلی میں کامیاب امیدوار:

پی پی 87 میانوالی: علی حیدر نور خان نیازی 67,986 ووٹ لے کر فاتح۔

پی پی 98 فیصل آباد 1: آزاد علی تبسم 44,388 ووٹ کے ساتھ جیتے۔

پی پی 115 فیصل آباد 18: محمد طاہر پرویز 49,049 ووٹ کے ساتھ کامیاب۔

پی پی 116 فیصل آباد 19: احمد شہریار 48,824 ووٹ لے کر جیتے۔

پی پی 203 ساہیوال 6: محمد حنیف 46,900 ووٹ لے کر فاتح۔

پی پی 73 سرگودھا: سلطان علی رانجھا 71,770 ووٹ لے کر کامیاب ہوئے۔

پولنگ کا عمل صبح 8 بجے سے شام 5 بجے تک جاری رہا، مجموعی طور پر ملک بھر میں 2,792 پولنگ اسٹیشن قائم کیے گئے، جن میں 408 انتہائی حساس اور 1,032 حساس قرار دیے گئے تھے۔ سیکیورٹی کے لیے 20 ہزار سے زائد اہلکار تعینات تھے تاکہ امن و امان برقرار رہے۔