سرحدی بندش سے افغانستان کو شدید معاشی نقصان کے باوجود افغان طالبان کی ہٹ دھرمی برقرار
WebDesk
23 نومبر, 2025 11:10
سرحدی بندش سے افغانستان کو شدید معاشی نقصان کے باوجود افغان طالبان کی ہٹ دھرمی برقرار
اسلام آباد: پاکستان کی جانب سے سرحد کی بندش کے بعد افغان معیشت کو سنگین نقصان پہنچ رہا ہے، تاہم افغان طالبان کی ہٹ دھرمی برقرار ہے۔
سرحد کی بندش کے نتیجے میں افغانستان میں بنیادی اشیاء کی قیمتیں غیرمعمولی حد تک بڑھ گئی ہیں، جس کے باعث عام آدمی کے لیے یہ اشیاء ناقابلِ برداشت ہو گئی ہیں۔
افغان عوام نے بڑھتی ہوئی قیمتوں پر شدید ردعمل ظاہر کیا ہے اور کہا جا رہا ہے کہ بنیادی غذائی اشیاء اب عام شہری کی پہنچ سے باہر ہیں، جس سے غریب طبقے کے لیے گزارا مشکل ہو گیا ہے۔
افغان چیمبر آف کامرس کے مطابق ہر ماہ سرحد کی بندش سے تقریباً 200 ملین ڈالر کا نقصان ہو سکتا ہے۔
ماہرین نے خبردار کیا ہے کہ خوراک اور ایندھن کی بڑھتی ہوئی قیمتیں افغان عوام کی زندگی مزید مشکل بنا سکتی ہیں اور اگر پاک افغان سرحد جلد نہیں کھلی تو انسانی اور اقتصادی نقصان میں مزید اضافہ ہو گا۔
ماہرین کا کہنا ہے کہ قابض افغان طالبان کی ہٹ دھرمی نے افغانستان کو شدید اقتصادی بحران میں دھکیل دیا ہے اور فوری اقدامات کے بغیر صورتحال اور خطرناک ہو سکتی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
