لالچ نے رشتہ مٹا دیا: سفاک باپ اپنا ہی بچہ فروخت کرتے پکڑا گیا
WebDesk
23 نومبر, 2025 08:45
لالچ نے رشتہ مٹا دیا: سفاک باپ اپنا ہی بچہ فروخت کرتے پکڑا گیا
لیہ میں کم سن بچے کی فروخت کا چونکا دینے والا واقعہ ایک سال بعد منظرِ عام پر آ گیا، جہاں شہری نے مالی لالچ میں اپنے ہی نومولود بیٹے کو بیچنے کا اعتراف کر لیا ہے۔
تفصیلات کے مطابق یہ واقعہ کروڑ لعل عیسن کے علاقے میں پیش آیا، جہاں بچے کی والدہ کی درخواست پر مقدمہ درج کرتے ہوئے ملزم باپ سمیت 4 دیگر افراد کو بھی نامزد کیا گیا ہے۔
متاثرہ خاتون کے مطابق مقامی اسپتال میں ولادت کے فوراً بعد شوہر نے اسے بتایا کہ بچہ بیمار ہے اور اسے لیہ اسپتال منتقل کیا جا رہا ہے، تاہم کئی روز تک بچے کی واپسی کی یقین دہانیوں کے باوجود شوہر نے کوئی معلومات فراہم نہیں کیں بلکہ اصرار بڑھنے پر خاتون کو گھر سے بھی نکال دیا۔ مسلسل کوششوں کے بعد خاتون نے پولیس سے رجوع کیا۔
تحقیقات کے دوران ملزم نے انکشاف کیا کہ اس نے اپنا ہی بچہ 8 لاکھ روپے میں ایک جوڑے کو فروخت کیا تھا، جبکہ بچے کو خریدنے والوں نے بھی معاملے کی تصدیق کر دی ہے۔
پولیس کے مطابق بچے کے ڈی این اے کی تصدیق مکمل ہوتے ہی اسے ماں کے حوالے کر دیا جائے گا، جبکہ گرفتار ملزم اور نامزد افراد کے خلاف قانونی کارروائی شروع کر دی گئی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
