محبت نے سرحد پار کروا دی! پولینڈ کی خاتون پاکستانی نوجوان سے شادی کے لیے سرگودھا پہنچ گئی
WebDesk
23 نومبر, 2025 09:30
محبت نے سرحد پار کروا دی! پولینڈ کی خاتون پاکستانی نوجوان سے شادی کے لیے سرگودھا پہنچ گئی
پاکستانی نوجوان مطیع اللہ کی محبت میں ایک پولش خاتون نے سرحدیں عبور کیں اور اپنے دل کی آواز پر پاکستان پہنچ کر یہاں شادی کی۔
پولینڈ کی رہائشی مانگورزانا، جو اب مریم کے نام سے جانی جاتی ہیں، گزشتہ دنوں پاکستان آئیں اور سرگودھا کی تحصیل بھلوال میں فیملی کورٹ کے جج ثمر حیات کی عدالت میں مطیع اللہ سے شادی کے بندھن میں بندھ گئیں، شادی کے فوری بعد مریم نے جامع مسجد حامد شاہ میں معروف عالم دین قاضی نگاہ مصطفیٰ چشتی کے ہاتھوں اسلام قبول کیا اور اپنا اسلامی نام مریم رکھا۔
مریم کا کہنا تھا کہ میں اپنی مرضی سے پاکستان آئی ہوں اور اسلام قبول کیا ہے، کسی قسم کا کوئی دباؤ نہیں تھا۔ میرا فیصلہ مکمل طور پر ذاتی ہے اور میں اپنے شوہر کے ساتھ رہنا چاہتی ہوں۔
اس خوبصورت سفر کا آغاز سوشل میڈیا پر دوستی سے ہوا، جو آہستہ آہستہ محبت میں بدل گئی۔ مطیع اللہ اور مریم کا کہنا ہے کہ ان کی کہانی محبت کی سچائی اور سرحدوں سے آزاد تعلق کی عکاسی کرتی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
