عالمی مقابلہ حسن قرأت کا انعقاد ہمارے لیے باعث اعزاز ہے، وفاقی وزیر مذہبی امور
WebDesk
24 نومبر, 2025 13:00
عالمی مقابلہ حسن قرأت کا انعقاد ہمارے لیے باعث اعزاز ہے، وفاقی وزیر مذہبی امور
اسلام آباد میں انٹرنیشنل مقابلہ حسن قرأت کی افتتاحی تقریب کا انعقاد کیا گیا، جس سے وفاقی وزیر مذہبی امور سردار محمد یوسف نے خطاب کیا۔
وزیر نے کہا کہ پاکستان میں پہلی بار اس نوعیت کا مقابلہ ہو رہا ہے اور یہ عالمی سطح پر پاکستان کے مثبت امیج کو اجاگر کرے گا۔
انہوں نے بتایا کہ اس مقابلے میں 40 ممالک کے قاری حضرات شریک ہیں اور پہلے روز 12 ممالک کے قاری حصہ لے رہے ہیں۔
سردار محمد یوسف نے کہا کہ عالمی مقابلہ حسن قرأت امت مسلمہ کے درمیان روحانی رابطے کا ذریعہ ہے اور قرآن کی تعلیمات پر عمل امن و ہم آہنگی کے قیام کی ضمانت دیتا ہے۔
وفاقی وزیر نے مزید کہا کہ قاری حضرات کی آوازوں میں قرآن کا نور سن کر دل مطمئن ہو جاتا ہے، امت مسلمہ کا اتحاد قرآن کی تعلیمات میں پوشیدہ ہے اور نظام صلوۃ کے لیے عملی اقدامات اٹھانا ضروری ہیں۔
مقابلہ حسن قرأت 24 سے 27 نومبر تک اسلام آباد میں جاری رہے گا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
