پشاور ایف سی ہیڈکوارٹر حملہ؛ خودکش بمبار گیٹ تک کیسے پہنچا؟ ابتدائی پولیس رپورٹ سامنے آگئی
WebDesk
24 نومبر, 2025 16:45
Peshawar FC Headquarters attack: How did the suicide bomber reach the gate? Initial police report released
پشاور ایف سی ہیڈکوارٹر حملے کی ابتدائی پولیس رپورٹ سامنے آگئی ہے۔
پولیس رپورٹ کے مطابق آج صبح ایک خودکش حملہ آور پیدل پشاور ایف سی ہیڈ کوارٹرزکے گیٹ تک پہنچا، خودکش حملہ آور نے چادر اوڑھ رکھی تھی، خودکش بمبار نے مرکزی گیٹ کے ناکے پر خود کو دھماکے سے اڑایا جبکہ دو اندر داخل ہوکر فائرنگ کرتے رہے۔
فائرنگ کے نتیجے میں تین ایف سی اہلکار شہید ہوگئے، سیکیورٹی فورسز نے دونوں اندر موجود حملہ آوروں کو ہلاک کردیا اور ان کے قبضے سے دو خودکش جیکٹس اور آٹھ ہینڈ گرینیڈ برآمد ہوئے۔
فائرنگ کے نتیجے میں شہید ہونے والے اہلکاروں میں حوالدار عالمزیب، سپاہی ریاست اور سپاہی الطاف شامل ہیں جبکہ زخمیوں میں لانس نائیک زیک، سپاہی ارشد، سپاہی عطاء اللہ اور سپاہی عرفان شامل ہیں۔
سیکیورٹی ذرائع کا کہنا ہے کہ تمام زخمیوں کو LRH منتقل کر دیا گیا ہے اور ان کی کنڈیشن اسٹیبل ہے۔
حملہ مکمل منصوبہ بندی کے ساتھ کیا گیا تھا، مگر سیکیورٹی فورسز کی کارروائی سے اسے ناکام بنا دیا گیا۔ سیکورٹی فورسز حکام کے مطابق حملہ آوروں کا تعلق افغانستان سے بتایا جارہا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
