فیلڈ مارشل عاصم منیر سے سعودی چیف آف جنرل اسٹاف کی ملاقات

WebDesk

24 نومبر, 2025 16:28

فیلڈ مارشل عاصم منیر سے سعودی چیف آف جنرل اسٹاف کی ملاقات

آئی ایس پی آر کا کہنا ہے کہ فیلڈ مارشل عاصم منیر سے سعودی چیف آف جنرل اسٹاف نے ملاقات کی ہے۔

پاک فوج کے شعبہ تعلقات عامہ ( آئی ایس پی آر ) کے مطابق سعودی مسلح افواج کے چیف آف جنرل اسٹاف نے جی ایچ کیو راولپنڈی کا دورہ کیا جہاں انہوں نے فیلڈ مارشل عاصم منیر سے ملاقات کی۔

آئی ایس پی آر کا کہنا ہے کہ سعودی عسکری وفد نے یادگار شہداء پر حاضری دی، پھول رکھے، پاک فوج کے چاق و چوبند دستے نے معزز مہمان کو گارڈ آف آنر پیش کیا۔

آئی ایس پی آر کا کہنا ہے کہ دوران ملاقات پاک سعودی دیرینہ عسکری تعاون کو مزید مضبوط بنانے پر زور دیا گیا۔

آئی ایس پی آر کے مطابق ملاقات میں باہمی دلچسپی کے امور، فوجی تعاون پر تبادلہ خیال کیا گیا، دہشت گردی کے خلاف مزید تعاون بڑھانے کی ضرورت پر زور دیا گیا۔