پاکستان کو درپیش سیکیورٹی چیلنجز سے نمٹنے کیلئے جامع حکمت عملی ناگزیر ہے، صدر مملکت
WebDesk
29 نومبر, 2025 10:24
پاکستان کو درپیش سیکیورٹی چیلنجز سے نمٹنے کیلئے جامع حکمت عملی ناگزیر ہے، صدر مملکت
اسلام آباد: صدر مملکت آصف علی زرداری نے کہا ہے کہ پاکستان کو درپیش سیکیورٹی چیلنجز سے نمٹنے کیلئے جامع حکمت عملی ناگزیر ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق صدر مملکت آصف علی زرداری نے نیشنل ڈیفنس یونیورسٹی (NDU) کا دورہ کیا اور نیشنل سیکیورٹی ورکشاپ کے 27ویں ایڈیشن کے شرکا سے خطاب کیا۔
آئی ایس پی آر نے بتایا کہ اس موقع پر ارکان پارلیمنٹ، سینئر سول اور فوجی افسران، تعلیمی اور سول سوسائٹی کے نمائندگان بھی موجود تھے۔
صدر زرداری نے ورکشاپ کامیابی سے مکمل کرنے پر شرکا کو مبارکباد دی اور ان کی قومی سلامتی کے شعور کو مضبوط بنانے میں کاوشوں کو سراہا۔
انہوں نے کہا کہ قومی یکجہتی، باخبر قیادت اور مربوط پالیسی سازی وقت کی اہم ضرورت ہے۔
صدر مملکت نے زور دیا کہ پاکستان کو درپیش سیکیورٹی چیلنجز سے نمٹنے کے لیے جامع حکمت عملی ناگزیر ہے۔
انہوں نے ورکشاپ کے شرکا میں اسناد بھی تقسیم کیں تاکہ ان کی تعلیمی اور پیشہ ورانہ خدمات کو تسلیم کیا جا سکے۔
صدر زرداری کا کہنا تھا کہ ملک کی سلامتی اور استحکام کے لیے تعلیم یافتہ قیادت اور مربوط حکمت عملی کلیدی کردار ادا کرتی ہے، اور ایسے اقدامات قومی مفاد میں اہمیت رکھتے ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
