شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
WebDesk
29 نومبر, 2025 14:53
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
پنجاب حکومت نے عوامی تحفظ کے لیے ایک جدید اقدام کا آغاز کر دیا ہے، جس کے تحت شہری ہنگامی صورتحال میں اپنے موبائل فون کے ذریعے براہِ راست سیف سٹی کنٹرول روم کو ویڈیو فیڈ فراہم کر سکیں گے۔
یہ سہولت وزیراعلیٰ پنجاب کے “محفوظ پنجاب” منصوبے کا حصہ ہے، جسے پنجاب سیف سٹیز اتھارٹی نے تیار کیا ہے۔
جدید فیچر "Connect to PSCA” سیف سٹی کی پبلک سیفٹی ایپ میں شامل کیا گیا ہے۔
اس فیچر کی مدد سے صارف اپنا موبائل کیمرہ کنٹرول روم سے منسلک کر کے کسی بھی واقعے کی لائیو صورتحال فوراً حکام تک پہنچا سکے گا، جس سے پولیس کی کارروائی نہ صرف تیز ہوگی بلکہ ریسکیو ٹیموں کا رسپانس ٹائم بھی کم ہوگا۔
ترجمان سیف سٹی کے مطابق، اگر کوئی شہری ایمرجنسی نمبر 15 پر کال کرے گا تو آفیسر اس کے موبائل پر لائیو ویڈیو لنک بھیجے گا، لنک کھولتے ہی فون کا کیمرہ کنٹرول روم سے جڑ جائے گا اور اہلکار واقعے کی اصل صورتحال فوری طور پر مانیٹر کرنا شروع کر دیں گے۔
ترجمان نے واضح کیا کہ اس سہولت کا مقصد صرف اور صرف ایمرجنسی میں مدد فراہم کرنا ہے۔ شہریوں سے درخواست کی گئی ہے کہ وہ اپنی لوکیشن آن رکھیں اور غیر ضروری ویڈیوز یا ٹیسٹ فیڈ بھیجنے سے گریز کریں، تاکہ نظام پر بوجھ نہ پڑے اور اصل واقعات کو ترجیحی بنیادوں پر حل کیا جا سکے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
