نوجوانوں کیلئے سنہری موقع!!! ماہانہ 50 ہزار روپے وظیفہ کیسے ملے گا؟ جانیے
WebDesk
29 نومبر, 2025 12:23
Golden opportunity for youth!!! How to get a monthly stipend of 50,000 rupees?
بلوچستان حکومت نے صوبے کے نوجوان انجینئرز کے لیے عالمی معیارکی پیشہ ورانہ تربیت فراہم کرنے کا فیصلہ کر لیا ہے۔ اس پروگرام کے تحت تربیت حاصل کرنے والے ہر نوجوان انجینئر کو ماہانہ 50 ہزار روپے وظیفہ دیا جائے گا۔
حکومت بلوچستان اور پاکستان انجینئرنگ کونسل کے درمیان شراکت داری کا معاہدہ بھی طے پا گیا ہے۔ بریفنگ کے مطابق فارغ التحصیل انجینئرز کو چھ ماہ کی منظم تربیت فراہم کی جائے گی تاکہ وہ جدید تکنیکی مہارتوں سے آراستہ ہو سکیں۔
پہلے مرحلے میں 300 نوجوان انجینئرز پر مشتمل بیچ کی تربیت یکم جنوری 2026 سے شروع ہوگی۔ اس تربیتی پروگرام میں شفافیت اور میرٹ کو مقدم رکھا جائے گا تاکہ بہترین اہل امیدواروں کو تربیت کے مواقع مل سکیں۔
وزیر اعلیٰ بلوچستان سرفراز بگٹی نے کہا کہ صوبے کو ایسے انجینئرز کی اشد ضرورت ہے جو ترقیاتی منصوبوں کو مضبوط اور مؤثر بنا سکیں۔ انہوں نے یقین دلایا کہ حکومت نوجوان انجینئرز کی پیشہ ورانہ استعداد بڑھانے کے لیے مکمل تعاون فراہم کرے گی۔
وزیر اعلیٰ نے کہا کہ یہ پروگرام نہ صرف نوجوانوں کو عملی تجربہ فراہم کرے گا بلکہ سرکاری شعبے میں ان کے لیے نئے مواقع بھی پیدا کرے گا۔ بلوچستان حکومت انجینئرنگ کے شعبے کو بین الاقوامی معیار کے مطابق ترقی دینے کے لیے پرعزم ہے تاکہ صوبے کے نوجوان عالمی سطح پر مقابلے کے قابل بن سکیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
