وزیراعظم کی ہدایت پر تنخواہ دار طبقے کے لیے ٹیکس میں کمی کی تیاری
WebDesk
29 نومبر, 2025 08:25
وزیراعظم کی ہدایت پر تنخواہ دار طبقے کے لیے ٹیکس میں کمی کی تیاری
اسلام آباد: فیڈرل بورڈ آف ریونیو (ایف بی آر) کے چیئرمین راشد محمود لنگڑیال کے مطابق وزیراعظم شہباز شریف نے تنخواہ دار ملازمین پر عائد ٹیکس بوجھ کم کرنے کا اصولی فیصلہ کر لیا ہے، جس کے بعد بجٹ 2025-26 میں ریلیف سے متعلق عملی کام شروع کر دیا گیا ہے۔
پاکستان بزنس کونسل کے سیمینار سے خطاب کرتے ہوئے چیئرمین ایف بی آر نے بتایا کہ وزیراعظم نے ہدایت دی ہے کہ تنخواہ دار افراد کے لیے ٹیکس شرح میں واضح کمی لائی جائے، تاکہ بڑھتی مہنگائی کے باعث معاشی دباؤ کا شکار طبقے کو ریلیف فراہم ہو سکے۔
انہوں نے مزید کہا کہ وزیراعظم نے بڑی کمپنیوں پر لاگو سپر ٹیکس کم کرنے کا بھی عندیہ دیا ہے۔ اس سلسلے میں حکومتی سطح پر مشاورت جاری ہے، اور مستقبل میں سپر ٹیکس کو مرحلہ وار کم کر کے مکمل طور پر ختم کرنے کا امکان ہے۔
چیئرمین ایف بی آر کے مطابق سپر ٹیکس کے خاتمے کے حوالے سے عالمی مالیاتی ادارے (آئی ایم ایف) سے بھی مذاکرات کیے جائیں گے۔
ان کا کہنا تھا کہ سپر ٹیکس میں نرمی کا مقصد ملک میں سرمایہ کاری کا ماحول بہتر بنانا ہے۔
راشد محمود لنگڑیال نے واضح کیا کہ ٹیکس شرح میں کمی کا انحصار ٹیکس نیٹ کی توسیع پر ہوگا۔ جتنے زیادہ شہری ٹیکس نظام میں شامل ہوں گے، اتنی ہی زیادہ ٹیکس ریٹ میں کمی ممکن ہو سکے گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
