گیس کھینچنے کیلئے استعمال کیے جانے والے کمپریسر کیوں خطرناک ہیں؟ وجہ سامنے آگئی
WebDesk
29 نومبر, 2025 10:46
Why are the compressors used to pull gas dangerous?
کوئٹہ میں سردیوں کے آغاز کے ساتھ ہی گیس کے کم پریشر کا مسئلہ شدت اختیار کر گیا ہے۔
اس صورتحال کو دیکھتے ہوئے ضلعی انتظامیہ نے غیر قانونی گیس کمپریسر استعمال کرنے والوں کے خلاف سخت کارروائی کا فیصلہ کیا ہے۔ یہ فیصلہ ڈپٹی کمشنر کی سربراہی میں ہونے والے اجلاس میں کیا گیا، جس میں اسسٹنٹ کمشنرز اور ایس ایس جی سی کے حکام بھی شریک ہوئے۔
اجلاس میں بتایا گیا کہ شہر کے کئی علاقوں میں گیس پریشر انتہائی کم ہو گیا ہے۔ گھریلو صارفین کو کھانا پکانے، پانی گرم کرنے اور گھروں کو گرم رکھنے میں مشکلات پیش آ رہی ہیں۔ ضلعی انتظامیہ کے مطابق بڑی تعداد میں شہری پائپ لائن سے زیادہ گیس حاصل کرنے کے لیے کمپریسر لگا رہے ہیں، جس سے دوسرے گھروں کو گیس ملنا مزید کم ہو رہا ہے۔
ڈپٹی کمشنر نے واضح کیا کہ کمپریسر فروخت کرنے والوں، لگانے والوں اور استعمال کرنے والوں کے خلاف فوری ایکشن ہوگا۔ ایسی ڈیوائسز نہ صرف غیر قانونی ہیں بلکہ انسانی جانوں کے لیے بھی خطرناک ہیں۔ کمپریسر کی وجہ سے گھروں میں گیس بھر جاتی ہے، جس سے دم گھٹنے، آگ لگنے اور دھماکوں کے واقعات بڑھ جاتے ہیں۔
کمپریسر گیس کو زبردستی کھینچتا ہے، جس سے نہ صرف دوسروں کا حق مارا جاتا ہے بلکہ صارف کے اپنے بل بھی ضرورت سے زیادہ بڑھ جاتے ہیں۔ حادثات کی صورت میں مالی اور جائیداد دونوں قسم کا نقصان ہوتا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
