پاکستان غزہ میں فوج بھیجنے کے لئے تیار ہے، اسحاق ڈار
WebDesk
30 نومبر, 2025 09:00
پاکستان غزہ میں فوج بھیجنے کے لئے تیار ہے، اسحاق ڈار
اسلام آباد: نائب وزیراعظم و وزیر خارجہ اسحاق ڈار نے کہا ہے کہ پاکستان غزہ میں فوج بھیجنے کے لئے تیار ہے۔
تفصیلات کے مطابق اسلام آباد میں نیوز کانفرنس کے دوران اسحاق ڈار نے کہا کہ فلسطینی مزاحمتی تنظیم حماس کو غیر مسلح کرنا فلسطینی قانون نافذ کرنے والے اداروں کا کام ہے اور پاکستان اس میں مداخلت کرنے کے لیے تیار نہیں۔
انہوں نے کہا کہ پاکستان غزہ امن فورس کے تحت فوجی دستے بھیجنے کے لیے تیار ہے، تاہم اس سے پہلے فورس کے مینڈیٹ، کردار اور ٹی او آر کو واضح طور پر طے کرنا ضروری ہے۔
انہوں نے بتایا کہ حماس کو غیر مسلح کرنے کے معاملے پر انڈونیشیا نے بھی تحفظات کا اظہار کیا ہے۔
وزیر خارجہ نے واضح کیا کہ اگر پاکستان کا فوجی دستہ انٹرنیشنل اسٹیبلائزیشن فورس میں حصہ لے گا تو اسے اقوام متحدہ کی سلامتی کونسل سے تسلیم شدہ ہونا ضروری ہے، وزیراعظم نے فیلڈ مارشل سے مشورہ کرکے اس فورس میں حصہ لینے کا اصولی فیصلہ کیا ہے۔
اسحاق ڈار نے مزید کہا کہ اقوام متحدہ کی درخواست پر افغان عوام کے لیے خوراک اور انسانی امداد بھیجنے کا فیصلہ بھی آج کیا جائے گا، تاکہ انسانی بحران کے دوران فوری مدد فراہم کی جا سکے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
