پاکستان کی جانب سے سری لنکا کے سیلاب متاثرین کیلئے ریلیف آپریشن کا آغاز
WebDesk
30 نومبر, 2025 08:35
پاکستان کی جانب سے سری لنکا کے سیلاب متاثرین کیلئے ریلیف آپریشن کا آغاز
اسلام آباد: این ڈی ایم اے نے اعلان کیا ہے کہ پاکستان نے سری لنکا کے سیلاب متاثرین کی مدد کے لیے باقاعدہ ریلیف آپریشن کا آغاز کر دیا ہے، جو پاکستانی عوام کی طرف سے سری لنکن بھائیوں کے ساتھ عملی یکجہتی کا واضح اظہار ہے۔
ترجمان این ڈی ایم اے کے مطابق سیلاب سے شدید متاثرہ سری لنکا کے لیے پہلی امدادی کھیپ اور آرمی کی سرچ اینڈ ریسکیو ٹیم بھیجنے کے انتظامات مکمل کر لیے گئے ہیں۔ ابتدائی امدادی کھیپ میں 100 ٹن پر مشتمل امدادی سامان روانہ کیا جائے گا۔
ادھر آرمی کے تعاون سے 45 رکنی اربن سرچ اینڈ ریسکیو ٹیم بھی آج روانہ ہوگی، جو وہاں جا کر ریلیف اور ریسکیو سرگرمیوں میں حصہ لے گی۔ ٹیم کی روانگی اور امدادی سامان کی ترسیل کی نگرانی چیئرمین این ڈی ایم اے لیفٹیننٹ جنرل انعام حیدر خود کریں گے۔
امدادی کھیپ میں ریسکیو کشتیاں، واٹر پمپس، لائف جیکٹس، ٹینٹس، کمبل، بچوں کا دودھ، خوراک، ادویات اور دیگر ضروری سامان شامل ہے۔
مزید برآں، این ڈی ایم اے نے اعلان کیا ہے کہ وہ سری لنکا کے متاثرہ علاقوں کیلئے ایک فیلڈ اسپتال بھی روانہ کرے گا۔
ترجمان کے مطابق پاکستان ضرورت کے مطابق سیلاب متاثرین کی مدد جاری رکھے گا اور امدادی سامان کی مزید کھیپیں بھی بھجوائی جائیں گی۔
خیال رہے کہ سری لنکا میں شدید بارشوں، سیلاب اور لینڈ سلائیڈنگ سے 153 افراد ہلاک ہوئے ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
