معروف سیاستدان کی غیر قانونی سگریٹ فیکٹری پر ایف بی آر کا چھاپہ
WebDesk
30 نومبر, 2025 09:35
معروف سیاستدان کی غیر قانونی سگریٹ فیکٹری پر پولیس کا چھاپہ
مردان: ایف بی آر نے مردان میں غیر قانونی سگریٹ تیار کرنے والی فیکٹری پر چھاپہ مارا جس کے دوران غیر قانونی 62 کارٹن سگریٹ ضبط کر کے فیکٹری کو سیل کر دیا گیا۔
ایف بی آر کے ذرائع کے مطابق ضبط شدہ سگریٹ پر ٹیکس واجب الادا نہیں تھے، جس پر مالکان کے خلاف قانونی کارروائی بھی شروع کر دی گئی ہے۔
چھاپے کی کارروائی ان لینڈ ریونیو ٹیم نے کی، اور سیاسی دباؤ کے باوجود مکمل طور پر قانونی کارروائی عمل میں لائی گئی۔
مقامی ذرائع کے مطابق یہ فیکٹری سینیٹر دلاور خان کی ملکیت ہے، تاہم سینیٹر دلاور خان نے نجی ٹی وی کو بتایا کہ انہیں چھاپے کے بارے میں کوئی علم نہیں اور وہ گاؤں میں موجود نہیں تھے۔
ایف بی آر ذرائع نے مزید کہا کہ وزیراعظم کی ہدایت کے مطابق ملک بھر میں غیر قانونی سگریٹ بنانے والی فیکٹریوں کے خلاف کارروائیاں جاری ہیں، اور اس دوران کسی بھی سیاسی دباؤ کو قبول نہیں کیا جا رہا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
