جمعرات اور جمعہ کو عام تعطیل کا اعلان؛ نوٹیفکیشن جاری
WebDesk
02 دسمبر, 2025 13:07
Thursday and Friday declared public holidays; notification issued
وفاقی حکومت نے 25 دسمبر کو یومِ قائداعظم اور 26 دسمبر کو کرسچن ملازمین کے لیے کرسمس کی چھٹی کا باقاعدہ نوٹیفکیشن جاری کر دیا ہے۔
وزارت داخلہ کے اعلامیے کے مطابق 25 دسمبر بانی پاکستان قائداعظم محمد علی جناح کی ولادت کے موقع پر ملک بھر میں سرکاری تعطیل ہوگی۔
اسی طرح مسیحی برادری کے مذہبی تہوار کے پیشِ نظر 26 دسمبر کو تمام سرکاری اور نیم سرکاری دفاتر میں کرسچن ملازمین کے لیے چھٹی ہوگی تاکہ وہ اپنے اہلِ خانہ کے ساتھ مذہبی اور تہوار کی سرگرمیوں میں شریک ہو سکیں۔
حکومت کی جانب سے یہ اقدام ہر سال کی روایات کے مطابق کیا گیا ہے۔ یاد رہے کہ سال 2025 کے لیے حکومت نے 5 فروری سے 25 دسمبر تک مجموعی طور پر 11 سرکاری چھٹیوں کا اعلان بھی کیا تھا۔
کابینہ سیکریٹریٹ کی جانب سے جاری نوٹیفکیشن میں بتایا گیا تھا کہ اس سال 9 نومبر کو یومِ اقبال، اور 25 دسمبر کو قائداعظم کے یومِ پیدائش اور کرسمس کی چھٹیاں ہوں گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
پارلیمنٹ کا مشترکہ اجلاس؛ قومی کمیشن برائے حقوق اقلیتاں بل 2025 ترامیم کے ساتھ منظور
2-دسمبر،2025
