کراچی میں موسم سرما کی سرد ترین رات ریکارڈ

WebDesk

03 دسمبر, 2025 10:34

کراچی میں موسم سرما کی سرد ترین رات ریکارڈ

Karachi Experiences Coldest Night of Winter Season

کراچی میں سردی نے زور پکڑ لیا ہے اور شہر بھر میں درجہ حرارت معمول سے زیادہ گر گیا۔

محکمۂ موسمیات کے مطابق گزشتہ رات موسمِ سرما کی سب سے سرد رات ریکارڈ کی گئی۔

جناح ٹرمینل پر درجہ حرارت 8.9 ڈگری سینٹی گریڈ تک گر گیا، جو اس سیزن کا اب تک کا سب سے کم درجہ حرارت ہے۔ شہر کے دیگر علاقوں میں بھی ٹھنڈ میں نمایاں اضافہ دیکھا گیا۔

شاہراہِ فیصل پر درجہ حرارت 13.5 ڈگری سینٹی گریڈ ریکارڈ کیا گیا، جبکہ ماڑی پور میں بھی پارہ 13.5 ڈگری تک نیچے آگیا۔ بن قاسم ٹاؤن میں سب سے زیادہ ٹھنڈ محسوس کی گئی جہاں رات کے وقت درجہ حرارت 12.1 ڈگری سینٹی گریڈ ریکارڈ ہوا۔

محکمۂ موسمیات نے آئندہ چند روز میں مزید ٹھنڈ بڑھنے کی پیشگوئی کرتے ہوئے شہریوں کو احتیاطی تدابیر اختیار کرنے کی ہدایت کی ہے۔