سیکیورٹی فورسز کی خیبرپختونخوا کے مختلف علاقوں میں کارروائیاں، 9 خوارج ہلاک

سیکیورٹی فورسز نے خیبرپختونخوا کے ضلع ٹانک اور لکی مروت میں خفیہ اطلاعات کی بنیاد پر کارروائیاں کیں، جن میں بھارتی اسپانسرڈ خوارج کے 9 دہشت گرد ہلاک ہوئے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق ٹانک میں کارروائی کے دوران سیکیورٹی فورسز نے دہشت گردوں کے ٹھکانے کا سراغ لگایا اور شدید فائرنگ کے تبادلے میں 7 دہشت گرد مارے گئے۔

آئی ایس پی آر نے بتایا کہ لکی مروت میں کی گئی کارروائی میں مزید 2 خوارج ہلاک ہوئے، ہلاک دہشت گردوں سے اسلحہ اور دھماکا خیز مواد بھی برآمد ہوا۔

آئی ایس پی آر نے کہا کہ خوارج سیکیورٹی فورسز پر حملوں اور شہریوں کی ٹارگٹ کلنگ میں ملوث تھے، علاقے میں دیگر دہشت گردوں کے خاتمے کے لیے کلیئرنس آپریشن جاری ہے۔