آئی ایم ایف نے پاکستان کے لیے 1.3 ارب ڈالر قسط کی منظوری دے دی

واشنگٹن: آئی ایم ایف کے ایگزیکٹو بورڈ کا پاکستان سے متعلق اجلاس واشنگٹن میں منعقد ہوا، جس میں پاکستان کے لیے 1.3 ارب ڈالر قسط کی منظوری دے دی گئی۔

ذرائع کے مطابق 7 ارب ڈالر کے ای ایف ایف پروگرام کی مد میں پاکستان کو ایک ارب ڈالر سے زائد ملیں گے، جبکہ 1.3 ارب ڈالر کے آر ایس ایف کے تحت 20 کروڑ ڈالر سے زائد کی پہلی قسط شامل ہے۔

دونوں قرض پروگرامز کی مجموعی جاری رقم 3.3 ارب ڈالر ہو جائے گی۔ پاکستان کو ای ایف ایف پروگرام کے تحت دو اقساط پہلے ہی مل چکی ہیں۔

آئی ایم ایف ایگزیکٹو بورڈ نے دوسرے اقتصادی جائزے کی بھی منظوری دے دی ہے، جبکہ آئی ایم ایف نے جاری قرض پروگرام پر عملدرآمد کو مضبوط قرار دیا ہے۔