پاکستان انڈونیشیا کے ساتھ تعلقات کو قدر کی نگاہ سے دیکھتا ہے، چیف آف ڈیفنس فورسز فیلڈ مارشل

چیف آف ڈیفنس فورسز فیلڈ مارشل عاصم منیر نے کہا کہ پاکستان انڈونیشیا کے ساتھ  تعلقات کو قدر کی نگاہ سے دیکھتا ہے۔

پاک فوج کے شعبہ تعلقات عامہ ( آئی یاس پی آر ) کے مطابق چیف آف ڈیفنس فورسز فیلڈ مارشل عاصم منیر سے انڈونیشیا کے صدر نے ملاقات کی جس میں دو طرفہ اور علاقائی سلامتی کے امور پر تبادلہ خیال کیا گیا۔

آئی ایس پی آر کا کہنا ہے کہ ملاقات میں دونوں ممالک کے درمیان دفاعی شراکت داری پر گفتگو کی گئی، پاکستان اور انڈونیشیا نے دفاعی تعاون مزید مضبوط بنانے کے عزم کا اعادہ کیا۔

انڈونیشیا کے صدر نے پاک فوج کی پیشہ ورانہ صلاحیتوں کی تعریف کی، پرابووو سو بیانتو نے خطے میں امن و استحکام کیلئے پاکستان کے کردار کا اعتراف کیا۔

آئی ایس پی آر کے مطابق ملاقات میں تربیت، انسدادِ دہشت گردی اور استعداد کار میں تعاون بڑھانے پر اتفاق ہوا۔

چیف آف ڈیفنس فورسز فیلڈ مارشل عاصم منیر نے کہا کہ پاکستان انڈونیشیا کے ساتھ  تعلقات کو قدر کی نگاہ سے دیکھتا ہے، پاکستان انڈونیشیا کے ساتھ دفاعی اشتراک کا خواہاں ہے۔