پاسپورٹ بنوانے کے خواہشمند پاکستانیوں کیلئے بڑی خوشخبری آگئی

پاسپورٹس ڈیپارٹمنٹ نے آن لائن تصدیق کے لیے جدید سہولت شروع کر دی ہے۔

اب آن لائن درخواست گزار اپنے فنگر پرنٹس کی تصدیق آسانی سے کر سکیں گے۔ یہ نظام نادرا کی پاک آئی ڈی ایپ کے ذریعے کام کرے گا، جس سے تکنیکی مسائل حل ہو جائیں گے۔

ڈی جی پاسپورٹس مصطفیٰ جمال قاضی نے کہا کہ اوورسیز پاکستانی اور سینئر شہری آن لائن فنگر پرنٹس کی تصدیق میں سہولت حاصل کر سکیں گے۔ اگر کسی شخص کو فنگر پرنٹس میں مسئلہ درپیش ہو تو چہرے کی تصدیق کا آپشن بھی دستیاب ہوگا۔

انہوں نے کہا کہ شہریوں کی آسانی کے لیے ہر ممکن جدید سہولیات فراہم کی جا رہی ہیں تاکہ پاسپورٹ کی درخواست کا عمل تیز اور آسان ہو۔

نئے نظام کے تحت اب اوورسیز پاکستانی بھی اپنے ممالک سے ہی فنگر پرنٹس کی تصدیق کر سکیں گے، جس سے غیر ضروری دورے اور مشکلات کم ہو جائیں گی۔